Deixámosvos aquí unha listaxe coas novas adquisicións para a Biblioteca con contidos relacionados coa igualdade de xénero.
Benvid@s ao Blog de Igualdade do IES Plurilingue Castro da Uz. Con el pretendemos aumentar a sensibilidade e motivación por parte da comunidade educativa do centro cara os temas relacionados coa coeducación e a prevención de todo tipo de violencias hacia as mulleres, así como potenciar accións en materia de igualdade para poder visibilizar estereotipos sexistas.
martes, 17 de diciembre de 2019
Concurso de fotografía Castro da Uz 2020
Dende o 15 de novembro ao 30 de novembro podes presentar as túas fotografías a este concurso. As mellores serán seleccionadas para o calendario de 2020 que publicará o instituto. Ademais poderás conseguir premios aínda por concretar.
Anímate, podes presentar dúas fotografias!!
A temática das fotografías será: "IGUALDADE". Poden ser fotos reais ou montaxes, en cor ou branco e negro, preferiblemente en formato apaisado, e valorarase a orixinalidade e a promoción da igualdade. Podes ver máis abaixo os requisitos das fotografías a presentar.
O concurso está aberto a alumnado, profesorado e PND.
VEREDICTO DO XURADO
Os xurados (un composto por dúas profesoras e dous profesores para elixir as mellores fotos de alumnos/as e outro formado por dous alumnos/as para elixir as mellores fotos de profesores/PND) acordaron o seguinte:
1º Posto - Fotos de Alumnos/as: Victor M. Pellón 3º ESO - Equality
2º Posto- Fotos de Alumnos/as: María Permuy 2º ESO – Sempre un
3º Posto- Fotos de Alumnos/as: Clase 1º ESO - A balanza da Igualdade.
1º posto - Fotos de Profesores/PND: Ana Belén Veloso Rodríguez- A vaca a repartir
2º posto - Fotos de Profesores/PND: M. José Naveira Bouza - Xogando entre iguais
IX Maratón de Cine
IX MARATÓN DE CINE. “ARGALLEIROS E ARGALLEIRAS DAS LETRAS”
O xoves 28 de novembro, os argalleiros e argalleiras das letras participaron na IX edición do Maratón de Cine no que se proxectaron entre outras, películas con contidos relacionados coa Igualdade de xénero como , Figuras Ocultas, Ex-Machina ou Custodia Compartida.
De novo, tivemos o pracer de contar cunha representación do alumnado do club de lectura “Lecturas e andanzas” do IES Muralla Romana de Lugo que compartiron con nós non só a ledicia do reencontro, senón tamén pizzas, colchonetas e os comentarios que se achegaban as películas elixidas.
Día Internacional Contra a Violencia de Xénero
25 Novembro. Día Internacional contra a violencia de xénero
Un ano máis volvemos manifestar incondicionalmente o noso apoio ao “Día Internacional da Eliminación da Violencia contra a Muller”.
Para a conmemoración deste día o noso alumnado participou en diferentes actividades:
- Elaboración dun lazo humano no pavillón polideportivo.
- Lectura polo alumno de 3º de ESO Victor M. Pellón, dun poema do autor Carlos Negro.
- Concurso de cancións coa letra modificada para adaptala á temática do día. Agradecemos a colaboración e implicación de Anpa Ronsel que agasallou as mellores.
Aquí tedes o noso lazo humano...
Victor M. Pellón, lendo un poema de Carlos Negro.
Concurso de cancións con letras feministas modificadas.
lunes, 16 de diciembre de 2019
Obra de teatro: Elisa e Marcela
Comezamos ben forte!!!
Todo o alumnado de ESO e FP Básica asistiu no cine Alovi das Pontes á obra de teatro “ELISA E MARCELA”. Foi representada pola compañía A Panadaría, e conta a historia real do primeiro matrimonio entre dúas mulleres.
Esta actividade, está enmarcada dentro do programa da promoción da Igualdade entre nenos e nenas que xestiona ABRENTE e Anpa RONSEL en colaboración coa Xunta de Galiza.
Plan de Igualdade
Plan de Igualdade IES Castro da Uz
Elixir un Logo para Igualdade
Este Plan de Igualdade ofrecerá pautas para a promoción da igualdade de xénero, a coeducación e a prevención da violencia de xénero nos centros educativos, incorporando de forma integrada e transversal a perspectiva de xénero en todas as actuacións do centro. Establece medidas e actuacións concretas para continuar profundizando, dende unha perspectiva de xénero, nos Plans de centro, nos materiais e no currículo; na aprendizaxe, a formación e a implicación de toda a comunidade educativa; na promoción de accións de prevención da violencia de xénero.
Elixir un Logo para Igualdade
Suscribirse a:
Entradas (Atom)